🌊 Zientzia eta kirola bat egin ziren Zumaia Flysch Trailean.

Izaskun Zorita eta Maria C. Uyarra, AZTIko ikertzaileak, Running Minds ekitaldian parte hartu zuten, gure kostaldeetan plastikoek eta mikroplastikoek sortzen dituzten arazoak eta itsasoaren osasunean duten eragina ikusgai jartzeko.

Ulysses proiektuaren esparruan, 24 korrikalarik ekimenaren mezulari bihurtu ziren, proiektuko lehen hiru ontziak estreinatuz eta bakoitza beren mezuekin apainduz. Ontzi bakoitza GPS batez hornituta dago, ozeanoan egingo duten ibilbidea zehaztasunez jarraitzeko, itsas zaborraren mugimendua simulatuz. 🚤

Horrela, Ulyssesen bidez, itsas hondakinen mugimendua ikertzeko eta haiek murrizteko beharraren inguruan gizartea sentsibilizatzeko dugun konpromisoan aurrera egiten dugu.

Eskerrik asko Kilian Jornet Fundazioari itsaso osasuntsu eta iraunkorragoen aldeko bide hau babesteagatik!